Os Robots máis extraordinarios

• Atlas 

Segundo unha clasificación dos robots con base á súa estrutura, existen robots poliarticulados, móbiles, androides, zoomórficos e híbridos. Atlas é un robot que entra na categoría dos androides, e baseado nunha forma antropomórfica tenta emular accións humanas.

Desenvolvido de forma conxunta entre Boston Dynamics e a Axencia de Investigación do Departamento de Defensa de Estados Unidos DARPA-, Atlas é un robot humanoide de 1.88 metros de altura e 150 quilogramos de peso que está construído para ser utilizado en ambientes de emerxencia.

Neste sentido, Atlas incorpora un sistema de visión estereoscópica, un mecanismo para detectar obstáculos e desde logo, brazos e pernas articuladas que lle permiten camiñar sen dificultade por terreos pedregosos ou chairos.

• RoboThespian

Trátase dun robot humanoide de tamaño natural deseñado para a interacción humana nunha contorna pública. É totalmente interactivo, multilingüe e fácil de usar, polo que é un dispositivo perfecto para a comunicación e o lecer.

Esta é a súa cuarta xeración e está a ser presentado no Global Robot Expo, tivo máis de seis anos de desenvolvemento continuo, polo que RoboThespian é unha plataforma aprobada para os centros nacionais de ciencia, atraccións turísticas, usuarios comerciais e institucións de investigación académica de todo o mundo. Este é un robot adaptable, funcional e ampliable e pode ser altamente personalizado para satisfacer as necesidades do seu usuario final.

• Cheetah

Boston Dynamics é unha empresa de robótica que en decembro de 2013 pasou a ser propiedade de Google. Fundada en 1992, esta compañía ten no seu haber algúns dos robots máis avanzados e inquietantes do mundo.

O robot que destacamos en Cheetah, tamén coñecido como WildCat. É capaz de correr a máis de 46 quilómetros por hora, o que o converte ata o momento no robot máis veloz do mundo. O anterior récord ostentábao o MIT, que en 1989 creou un robot que corría a 20 quilómetros por hora.

Alejandro Suárez Hervella