A mina de ouro de Mponeng propiedade de AngloGold Ashanti, atópase situada ao suroeste de Johannesburgo, en Sudáfrica, sendo actualmente a mina máis profunda do mundo. A súa profundidade de operación foi ampliada de 2,4 km a máis de 3,9 km por baixo do nivel da superficie a finais de 2012. As expansións en curso permitiron profundar aínda máis na mina, conseguindo superar a marca dos catro quilómetros na actualidade.
As reservas de ouro en Mponeng estimáronse en 13,7 millóns de onzas (Moz) en decembro de 2012, producindo nese mesmo ano máis de 405.000 oz de ouro. Dado o potencial de recursos dos cales dispón, atópase nun proceso de expansión para ampliar a súa vida útil máis aló do 2040. A mina subterránea emprega un método de extracción secuencial, iniciando por primeira vez o proceso de perforación de pozos en 1981.
Cada día, 4.000 traballadores descenden á mina mediante ascensores ou, como os chaman alí, celas. Trátase de caixas triplas nas que poden subir ata 120 persoas dunha vez. Descender os primeiros 2,5 quilómetros de profundidade leva só 6 minutos. Un segundo tramo leva aos traballadores a máis profundidade aínda, pero esa parte só é accesible a pé ou cun vehículo.Toda a estrutura construíuse para escavar unha veta de ouro de só 0,7 metros de ancho.
Gonzalo Carrajo Mariño
No hay comentarios:
Publicar un comentario