Tras demostrar en modelos animais a súa eficacia como
tratamento experimental contra enfermidades como a distrofia muscular de Duchenne
ou a retinosis pigmentaria, o cortapega xenético afronta agora o seu maior
desafío. A ciencia en 2017 deberá comprobar se CRISPR-Cas9 é eficaz e seguro
como terapia en humanos, grazas aos ensaios clínicos que comezaron en 2016 e
continuarán este ano. Todo iso mentres a ferramenta de edición xenómica
continúa inmersa nunha auténtica guerra de patentes por un mercado estimado en
máis de 46.000 millóns de dólares.
Os científicos estudarán a seguridade e eficacia da edición
xenómica como terapia en humanos.
A investigación biomédica tratará de avanzar tamén para
atopar unha posible cura contra o alzheimer e novos tratamentos contra o
cancro. Os bos resultados de fármacos experimentais como o Aducanumab e
aproximacións como a inmunoterapia convidan o optimismo. Así mesmo, a ciencia
en 2016 seguirá estudando novas vacinas e terapias fronte ao zika e ao ébola,
as dúas ameazas sanitarias máis importantes a nivel mundial nos últimos anos. E
se falamos de diagnóstico de enfermidades, a secuenciación xenómica e tecnoloxías
derivadas, como a biopsia líquida, continuarán no candelero da investigación.
Fran González Diz 4ºA
No hay comentarios:
Publicar un comentario